December 8, 2020
கடற்கரை மணலில்
November 2, 2020
தான் எனும் அகந்தை
October 11, 2020
கண்ணாடிக்கு
கண்ணாடிக்கு
தமாம் பாலா
பெல்ஜியம் நாட்டில் செய்த
முகம் பார்க்கும் கண்ணாடி
ஒன்று எங்களது வீட்டினில்
இருந்தது அந்தக் காலத்தில்
கருப்பு சட்டத்தில் கனமாய்
நாலு ஓரமும் முப்பட்டகமாய்
வானவில் நிறம் காட்டிடும்
மாயக் கண்ணாடி அதனில்
எங்கள் முகம் இளமையாக
எப்போதும் தெரிந்தது அது
எக்கச்சக்க தலைமுடியோடு
எங்களைக் காட்டும் போது
சலூன் சென்று சரி செய்து
தலைவாரி பொட்டு வைத்து
பவுடர் போட்டு நாங்களும்
கண்ணாடியும் வளர்ந்தோம்
ஒன்றாகவே எங்களது தலை
நெற்றியில் மேல் நோக்கிய
கேசம் நரைக்கும் முன்னரே
வயதாகி போனது எங்களது
கண்ணாடிக்கு பாதரசப்பூச்சு
புண்ணான முகம் போலவே
புள்ளி புள்ளியாய் தேய்ந்திட
அள்ளி வீசினோம் வெளியே
September 6, 2020
ஆசிரியர் தினம் 2020
August 26, 2020
நான் ஏன் பிறந்தேன்
நான் ஏன் பிறந்தேன்
தமாம் பாலா
நான் பிறந்திருந்தேன் அன்றொரு
நாள் ஒரு தொட்டிலிலே
கிடந்தே
நல்லதொரு தாலாட்டும் கேட்டு
நல்லபடி உடல் வளர்த்திருந்தேன்
ஒருக்களித்து குப்புற விழுந்து பின்
தவழ்ந்து எழுந்து நடைவண்டி கை
பிடித்து நடந்து ஓடி பட்டாம்பூச்சி
தட்டான்களைத் துரத்தி விளையாடி
சிட்டாய் பறந்த வாழ்வில் சிலநேரம்
கரப்பான் பூச்சி வண்டு பல்லி பாம்பு
தேளும் கூட கண்டதுண்டு என்னுலகம்
அவற்றின் உலகத்துடன் உரசிய போது
நான் படித்திருந்தேன் பள்ளிகளில் கூட
நான்கெழுத்து பல காலம் வகுப்புகள்
மாற வயதும் ஏற பெயருக்குப் பின்னால்
மாட்டி கொண்ட பட்டங்கள் பலவிதமாய்
சேரவும் எனக்கு எல்லாம் தெரியும் என்று
தூரத்துக் கனவுகளை துரத்தியிருந்தேன்
நேரத்தே பணி செய்து கை நிறையவே
பொருள் சேர்த்து காலப் பெட்டகத்தில்
நிரப்பிடும் ஆர்வத்தில் ஓடி உழைத்தேன்
நான் அமர்ந்திருந்தேன் வெவ்வேறு வித
நாற்காலிகளில் அறையின் வெளியில்
நானாவித பெயர் பலகைகள் மாறிடவே
இரவில் நான் படுத்திருந்தேன் பாயில்
தரையில் கட்டிலில் பஞ்சுமெத்தையில்
தஞ்சையில் கோவையில் சென்னையில்
தமாமில் ஹனாயில் ஹோசிமின்னில்
உலகம் என்னைச் சுற்றியே சுழன்றது
சகலம் நான் நடத்துவதே என்ற சர்வ
அதிகார கர்வமும் ரகசியமாக எனது
அடிமனதில் மெல்ல நுழைந்திட அதை
வெளிக்காட்டாமல் அடக்கி வைத்திட
வெட்கத்துடன் முயன்றேன் நானும்
சட்டென்று வந்தது உலகுக்கு கிருமி
பட்டென்று பலர் கதையை முடித்தது
ஏழை பணக்காரர் வித்தியாசங்கள்
ஏதும் இல்லாமல் எல்லோர் மூக்கிலும்
எளிதாய் நுழைந்து நுரையீரலுக்குள்
எட்டிப் பார்க்கும் கோரோனாவினால்
கொஞ்சமாய் ஞானம் பெற்றேன் நான்
நம்மால் நடப்பதல்ல வாழ்வென்பது
நமக்கு நடப்பதே நம் வாழ்வென்பது
வாழும் காலம் வரை ரசித்திருப்போம்
July 29, 2020
அடுத்த சுற்று
தமாம் பாலா
ஆடிவிட முடியும் என்ற போது
மேடைகள் கைவிட்டு போகும்
இனி தோல்வி தான் என்றிட
தனித்து வெற்றியும் காணும்
கண்ணீர் காய்ந்த நேரத்தில்
கனிவாக சாய்ந்திட தோளும்
வெறுக்கவும் கற்ற நேரத்தில்
இறுக்கி அணைக்கும் காதல்
மணிக்கணக்கில் வெளிச்சம்
மறந்து உறங்கிய நிலையில்
பிறக்கும் கதிரவனின் ஒளி
இதுதான் வாழ்வின் இயல்பு
திட்டமிடினும் இடாவிடினும்
சட்டென வாழ்வின் திட்டமும்
புலப்படும் அதை யாரறிவார்
உலகுக்கு நீ யார் என்பதை
அடையாளம் காட்ட வெற்றி
நடைமுறையில் புவியினை
உனக்கு புரிய வைக்கின்ற
கணக்கு தோல்வி வடிவில்
எனவே நித்தம் மகிழ்ந்திடு
எல்லாம் முடிந்து விட்டதாய்
இற்றுப் போகாதே அடுத்த
சுற்றாக அதை நினைத்திடு
July 21, 2020
July 19, 2020
ஆப்பிள் மனிதன்
ஆப்பிள் மனிதன்
தமாம் பாலா
பழங்களை ருசிக்கிறோம்
பழங்களை மனிதருடனும்
ஒப்பிடுவதை அறிவோமா
இடைக்கு மேல்பகுதி உடல்
இது பெருத்தால் ஆப்பிள்
வடிவ மனிதர் என்றிடலாம்
இன்னொன்று பேரிக்காய்
இடைக்குக் கீழே தொடை
பகுதியில் சதை போடும்
ஆப்பிள் வடிவத்தினருக்கு
ஆபத்து அதிகமாம் இதய
நோய்க்கும் வாய்ப்பாகவே
ஆப்பிளோ பேரிக்காயோ
அளவுக்கும் அதிகமான
எடை என்றும் உதவாது
அடுத்தவனை எடைபோடு
அதில் தவறில்லை உடன்
உன்னையும் எடைபோடு
எப்போதும் உனது எடை
ஏறிவிடாமல் கட்டுப்பட
என்றும் நீ நடை போடு
June 30, 2020
அரணும் முரணும்
June 11, 2020
ஆலயத்துக்கு
சுதந்திர சொர்க்கம்
May 23, 2020
மாயமானது
தமாம் பாலா
மாயமான் அது மண்ணில்
தோன்றிய மங்கையையே
மயக்கியதாம் அரண்மனை
தயக்கமின்றி துறந்தவளாம்
காட்டில் கல்லில் முள்ளில்
குடிலில் குறைவான வசதி
வாய்ப்பில் நிறைந்த மனம்
வாய்த்த சீதையை மட்டும்
ஏன் விட்டு வைக்கவென்று
மாயமானாகி மாயமானது
மான்விழியாள் கண்ணில்
பட்டது பத்து தலையோன்
சதியால் விளைந்திடினும்
மதியோன் ராமபிரானும்
தம்பியும் விதி வசப்பட்டு
ராமாயணமானது கதை