அடுத்த சுற்று

அடுத்த சுற்று
தமாம் பாலா

ஆடிவிட முடியும் என்ற போது
மேடைகள் கைவிட்டு போகும்
இனி தோல்வி தான் என்றிட
தனித்து வெற்றியும் காணும்

கண்ணீர் காய்ந்த நேரத்தில்
கனிவாக சாய்ந்திட தோளும்
வெறுக்கவும் கற்ற நேரத்தில்
இறுக்கி அணைக்கும் காதல்

மணிக்கணக்கில் வெளிச்சம்
மறந்து உறங்கிய நிலையில்
பிறக்கும் கதிரவனின் ஒளி
இதுதான் வாழ்வின் இயல்பு

திட்டமிடினும் இடாவிடினும்
சட்டென வாழ்வின் திட்டமும்
புலப்படும் அதை யாரறிவார்
உலகுக்கு நீ யார் என்பதை

அடையாளம் காட்ட வெற்றி
நடைமுறையில் புவியினை
உனக்கு புரிய வைக்கின்ற
கணக்கு தோல்வி வடிவில்

எனவே நித்தம் மகிழ்ந்திடு
எல்லாம் முடிந்து விட்டதாய்
இற்றுப் போகாதே அடுத்த
சுற்றாக அதை நினைத்திடு