மறுசந்திப்பு
வகுப்பில் முதல் மாணவி
இன்று ஒரு இல்லத்தரசி
பின் வரிசையில் இருந்த
பிள்ளை தொழிலதிபன்
நவ நாகரிக மாணவன்
அவனோ வழக்கறிஞன்
ஒன்றுக்கும் உதவாதவன்
இன்று ஒரு எழுத்தாளன்
கணிதத்தில் தவறியவன்
அணியும் ஆடைநிபுணன்
வகுப்புக்கு வெளியேவே
நின்றவன் சேனாதிபதி
மறுசந்திப்பின் பாடமது
மனிதரின் அடுக்குகள்
தனித்தன்மையானவை
புத்தகத்தை அட்டையால்
மட்டுமே கணிக்கலாகாது
விளையும் பயிரை முளை
வைத்து முடிவு செய்யாதே
வெற்றிக்கதை பலவிதம்
No comments:
Post a Comment