தீபாவளி

ஆண்டு முழுவதும் அகத்தில்
நீண்டு சேர்ந்த தீய இருளை
விளக்கு மட்டும் நீக்காதென
வெடி வைத்துத் தகர்த்தோம்

மனிதன் வாழ்வில் இன்பம்
பொங்கும்  நீரூற்று போல்
மீண்டும் வரும் அதை நாம்
கொம்புவாணம் என்றோம்

ஏவுகணைகளைத் தாவவிட்டு
சங்குச்சக்கரம் சுழலக்கண்டு
எங்கள் வாழ்க்கைச் சக்கரம்
இங்கு நினைவில் கொண்டு

சுத்தமாக குளித்து முடித்து
புத்தம் புது உடையணிந்து
முத்தான ஒரு தீபாவளியை
இத்தினம் கொண்டாடுவோம்