குழந்தைகள் தினம்
தமாம் பாலா
பூக்கள் பலபல வண்ணங்களில்
பூத்து சிரித்தன வாசனையுடன்
நான் குழந்தையாய் இருந்தபோது
காற்றும் தென்றலாய் மெல்லவே
வீசியது என் உடலைத் தழுவியது
நான் குழந்தையாய் இருந்தபோது
வானம் பகலில் ஒரு நீல கடலாய்
மேக ஓடங்கள் மிதந்து சென்றன
நான் குழந்தையாய் இருந்தபோது
கடலின் அலைகள் வந்து என்னிடம்
கை குலுக்க முயன்று கால் தொட்டன
நான் குழந்தையாய் இருந்தபோது
பூவுக்கும் காற்றுக்கும் வானுக்கும்
கடலுக்கும் குழந்தைகள் தினமோ
நான் குழந்தையாய் இருந்தபோது
No comments:
Post a Comment